HAHSAT GENTHEI LEH CHRISTIAN HINKHO

TOPIC                       : Hahsat Genthei leh Christian Hinkho

BIBLE TEXT           : Job 2:7-13.

------------------------------------------------------------

Lalboi Doungel - UBS, Pune (laldioux777@gmail.com)

Introduction: Leiset chunga I len lai sung seu va hahsat naleh genthei na ho um jing ding mong ahi. Mihem in apel doh theilou thil khat ahi. Bible a jong hahsat naleh genthei na toh ana um dap on ahi. Gah het the idol chu Job kiti Pathen mipa hi ahi.

           

Job kitipa hi Uz gamsunga ana cheng nolna beihel leh chondih tah anahi. Pathen ging khen cha umjing lames peldoh jing mi khat ahije. Job kitipa hin chapa 7 ,chanu 3 anei in ahi. Kelngoi 7000, sangongsao 3000,bongchal 500,sanganpi 500. Amahi niso lam gamkai sungsea mi nasapen anahin ahi.Ahin Job in hahsatna genthei na lentah ana toh in ahi.  Job in hahsatna atoho chu ihesoh kei un ahi. Pathen din hahsatna anathoh in ahi. Tunin ama hinkho a konin eihon kihilna in inei un ahi. Eiho dia jong kitil khouna nasatah ahi. Tuni hin hichi hahsatna hin eiho adia ipi kihilna thei inei uvam, chomcha in ana sei khom u hite.

I. Hahsatna hin itahsan nau ahin patep ding ahi (v.9)

            Job jinu chun na Pathen gaosap inlang, thidoh jengtan ana tin ahi. Job chu amasa penin atahsan (faith) na chu satan in ajinu mangchan attacked anabol in ahi. Hichi hi hahsat na ito pet teng a um nom jin ahi.

Hahsatna nato a natahsan nachu attacked ahung kibol leh kidang sah lou ding ahi. Hichu a umding mong ahi. Gallillee dillen chunga seijuiho chu gah geldoh u hite. Jesu chu akom uvah aumin ahi, ahin amaho chu huipi gopi jeh chun ana kicha uvin ahi. Eiho jong ihin kho uvah hahsatna hung lhun tengleh pathen in ei umpiu ina sumil jiu vin ahi.

Hahsat naleh genthei na ito teng uleh Pathen a kingai ding isuhmil lou diu dei umin ahi. Pathen thu hi atah ahin, ama a iki ngai uleh Pathena itahsan nauchu moh hilou ding ahi. 1Peter 5:7- “Nalung kham najouseu ama chungah sep lhaovin” atin ahi. Job hinkhoa imu doh thei u chu ahileh, aman hahsatna lentah ato nungin jong akam a kon in chonsetna thu ana sei doh pon ahi.

II. Hahsatna chun imaiso akikhelsah ding ahi (v.12)

            Job golho ama vedia aung uchun, Job chu koi ahi ana hedoh pouvin ahi. Amaho vetdan a chu anatna atipatna ho chum else behseh ahin ahi. Hichi atiphah na chun amel jong het thei lou khop hel aakikhel sah ahin ahi. Ahinlah Job vang chu hichan gei athoh nung in jong complain ima ana bol pon ahi.

           

            Eiho jong I hahsatna ho in job banga chu imel aki khelsah thei ahi. Ipiti akikhelsah thei di ham? Ihinkho a kipana ho chu hung mang thei ahi, ikinepna ho jouse jong chu lunggimna hung soh thei ahi.Mihem khat chu ahung lunggim tengleh amaiso kikhel jeng ahi. Hichi hi mihem te nature ahin ahi. Ahin hichi ho jouse chu Pathen in asudam thei in ahi. Pathenin eiho boldia eideisah umin ahi. Hichiho chu-

            ~Lungkhamna a kona kikangse ding- (Phillipi 4:6-7)

                ~Pathen koma I pohgih selhah ding (Matthew 11:28-30)

                ~Pathen lunggot lam a kingai ding (Rom.8:28)

                ~Pathen promise ho geldoh ding (2Cor.4:17, Rom.8:18)

                ~I hahsatna ho adia taojing ding (Col.4:2, 1Thess.5:17)

                ~Kipahtah a umding dan kithem chuh ding (1Thess 5:18, Eph.5:20)

Hahsatna ito tengleh satan in agom kom alah nom jin ahi. Eiho a kona Pathen taitom a sapset ding chu satan in agot jing ahi. Hijeh a chu hahsatna ijat umjongleh Pathen chu ijan jing diu chuleh ahenga kipathu isei uva amabou I vah choi diu ahi.

III. Hahsatna chun iloi ho ahinau ahin phondoh ding ahi

            Job golho ama ve a ahung u chun tilkhou na thu seitah sangin, ana sei seu vin, ana sunem un ahi. Khatcha jengin jong til khouna thu ahin po pouvin ahi. Eliphaz, Bildad , Zophar ahiuvin,amahon na phatlou jeh chuleh nabol khel naho a kona nakisih angai e tiho in ana sei un ahi. Ahinlah Job chu ima ana gel pon, Pathen a kona patep na ahi ti ana hen ana thoh in ahi.

            Phat khat kom kom leh eiho chunga jong a umda jipon ahi. Nop isah a, sum ichoi a lolhinna inei teng amaho chu ivel ah hung kitah in apang kit un ahi. Hahsatna genthei na ito tengleh idalha ding chuleh ihe phalou a um jin ahi. Seiset leh isuh khel ho chuleh ilhahsam naho ahin le seidoh kit jiu vin ahi. Hichi phat leh Pathen a kon patepna ahi tia ilah lou uleh, lung neo na lhahsam na chuleh eiho a dia kipal na a hung pang thei ahi.

            Ahinlah ihet diu khat chu hichi pet tah le Pathen in eida lha pou vin ahi. Leiset a iloi igol ten ei dalhau a ei nuse nikho hung um thei ahi. Ahinla hing jing Pathen in vang ei dalha pou ve ti syuhmil lou din dei umin ahi.

IV. Hahsatna thoh hat aga (Result)

            Job hinkho achaina chu ivet leh Pathen in Job chu masanga bangin ahin kile dohsah kit in ahi. (Job 42:10-17). Pathen in anei jouse ale pehkit in ahi. Hijeng chu hilou vin ajat ni in patthei aboh in ahi. Job in kelngoi 7000 apat 14,000 anei in, Sangongsao 3000 apat 6000 anei in, bongchal 500 apat 1000 anei in, sanganpi 500 apat 1000 anei in ahi. Gamsunga Job Chanute banga melhoi ana umpou vin ahi. Job chu ahinkho 140 anahing in, Khangli gei in achapate leh atuson gei jin amun ahi.

Job in hahsatna a kona jona ahin neitheina chu pathen anga kona vahmang louva, Pathen toh ana umkhom jing jeh ahi. Ama hinkho a kona imu uchu, kineosah, mi chonnem chuleh thoh hat mi ahina imudoh thei un ahi. I hinkho uhi eimahon iki gon bang uvin achi jip on ahi. Hahsatna tamtah itodiu ahi, ahinlah achaina leh sana banga hung hingdoh kit ding ahi (Job 23:10). Pathen in hichi hahsatna chu jona lentah ahinso doh ding ahi. Chuleh achaina leh I hahsatna u va kona chu phattheina chamkim chu in mu thei diu ahi.

Conclusion: Mihem khatcheh in hahsatna ito cheh u ahi. Tuni in keiman ipi hahsatna nanei a nato kahepoi, ahin Pathen in vang ahe in ahi. Hichi na hahsatna a kon chun na kithopi nom in, napuidoh nom in ahi. Ipi hahsatna hihen lang, lunggimna, lungdon na hijong leh Pathen in hichi a kon chun napui doh nomin phatthei naboh nomin ahi. Tunin ihah satnau leh genthei naho jouse ama ang sungah sep lhau tin, ama ang sungah kipe lut leu hen, Pathen in eipan piu vin tin galjona eipeh diu ahi.