GOOD STEWARDS

TOPIC: GOOD STEWARDS

Text: 1 Peter 4:10-11, Ephesians 5:15-16, Haggai 2:8

-----------------------------------------------------

Summary: 

Eliezer chu apupa Abraham dinga neiching kitahtah khat anahi. Eihon jong Eliazar hi kihilna a iman uva kitah tah a ipan diu ahi. Eliezar kitipa hi achan chi akiha hetbeh pon ahi. Ahinlah hichi mipa hin Abraham hinkho a panmun lentah anei e. Genesis 15:2 na ah Eliezar hi Abraham neiching tin akimun ahi. Steward kiti teng a ahileh midang khat thil vesui a pang tina ahi. Eliezar chung chang thu a chun, amahi apupa Abraham thil vetsui in ana pang in avet kol ding atam e. Ajeh chu Abraham chu mi haosa tah khat anahin ahi.

Eliezer chu Abraham neijouse chunga avesui dinga mopohna apeh ahin ahi. Ama mopohna chu Abraham insung a thil leh lo ho, business ho jangkei a kisuhmo na umlou a achilhah di chu ahi. Neiching khat ahina a chu apupa Abrahm deibang a thil ho avet tup ngai ahi.

Hitichun Abraham chun Eliezar chu kitah na ho ahen kingap nathei ahi ti an het phat in, achapa Isaac jiding hol in anasol in ahi. Genesis 24 lam a chun Eliezar in ajinu ding Pathen gingmi khat ahool ngai tan ahi. Hitichun Eliezer in Pathen kithopi na jal in Isaac ji ding in Rebecah ahin mudoh tan ahi.

Abraham in ichan in Isaac a din natoh hahsa koipeh jongleh, apupa in boldinga aseipeh ho chu kitah tah le lolhing tah in abol jin ahi. Kahin seiloo napen chu ahileh Eliezar kitipa hi eiho jouse dinga kihil na phatah ahi jeh a ama thusim chu kahin tah lang ahi.

Deuteronomy 10:14 lam ah chun phatah in akisun in ahi. Pathen in van leh leiset leh asung a  umjouse ana sem in ahi. Pathen in hichi ho jouse chunga mopoh na leh avetup dia mihem te akoi ahi. Pathen in asemsa ho jouse chingtup dia mopohna eipeh u ahi.

Tuni hin Good Stewards (Neiching phatah) hithei na dinga point thum tabang kahin tah lang nom in ahi.

1. Spiritual Gifts (1 Peter 4:10-11):

Amasapen a neiching pha ihithei nadiu va demonstrate ibol na diu chu Spiritual gifts ahi. 1 Peter 4:10 na a chun spiritual gifts man dan kichihtah in atahlang in ahi. Hichi gift mi khat cheh in aneipa chu khat leh khat kithopi naleh kijen to na man ding dan jong akimun ahi. Mijousen gift akinei cheh in ahi. Chuleh hichi gift chu khat leh khat kijen naleh kithopi na a man ding, ahahsa, agenthei, angaicha ho kithopi na a pan nathei a pan ding ahi. Hichi gift inei pau hi eima eima capacity dungjui a Pathen in eipih u ahin, hichi eima capacity dung jui a chu Pathen na itoh diu ahi. I gift pau chu phatah a Pathen loupe na dinga iman teng a ahileh neiching phatah ihithei diu ahi.

Romans 12:6-8 lam chu ivet leh Paul in kitah tah a spiritual gifts iman diu eihil un ahi. Teaching, encouragement, exhortation, Giving, Helping, Cheerfulness, Acting, Singing etc. Hichi Pathen in gift eipeh u hi mijouse a akibang poi, ahinlah athupi na akibang cheh ahin ahi. Mi khat a chu thupi chom jong ahideh poi. Ahinlah mi khat chu a gift chu active tah a ahin manchah teng leh amang them loupe toh chun aki khet na hung umji ahi. Chuteng leh Lhagao lam a amadia khantouna leh mihon vetjui thei na ahin neithei u ahi.  

Pathe in eipeh u gift ho hi ahina ding banga iman u hinam? Ahilou leh iman lou u ham? Matthew 25:14-30 lam chu ivet leh mi khatchun a gift chu itabanga aman hinam, kitah tah a Pathen loupe nadia aman hinam tichu Pathen in thu ahin tan ding ahi. Pathen in nabolpha tangei e eihin tithei na diu vem? Ahhilou leh wicked slave pa tabnga chun Pathen chu ichunga along hang dem? Eima chunga aki ngam in ahi.  EIma gift chu ipi ham ti ikihet cheh diu ahi. Mi kimkhat dingchun, lasah hintin (singing), kimkhat ding chun mi kitthopi na hintin (helping), mi kimkhat ding chun mihil (teaching) hintin, mi tilkhou (encouragement), acting, dancing, etc. Hichi gift dungjui cheh a chu ipiti Pathen in eipeh u talent leh gift a ch Pathen na itoh diu ham tihi iki gel diu deisah aumin ahi.

2. Time (Ephesians 5:15-16):

Neiching phatah (Good stewards) hithei na dinga a step nina chu ahileh Pathen in phat (time) eipih u phate cha a man ding hi ahi. I neo lai uva hinkho hi sot tah banga kigel vang hin, athengtah a chu hinkho hi chomcha bou ahi. Eima ho leh eima ho iki doh jing diu khat chu Pathen in phat eipih hi chingthei tah a Kaman hinam tipa hi ahi. Paul in Ephesians 5:15-16, nah a phatah in asun in ahi. “Be careful how you walk, not as unwise men, but as wise, making the most of your time.”(Hijeh chun iti nachon um chingthei un kihong phauvin. Mi lungbei ho banga chon louvin, mi chingho bangin chon un. Tulai nikho aphat tahlou jeh hin phat kijen pet cha hi kichoh un).

Neiching phatah ihi nau va Pathen deibanga ama loupe na dinga phat iman u hinam? Ahilouleh iphat u hi imoh suhmang uva, leiset nopsah na a ama deilou a iman chah uvam> Pathen toh ikikah relationship semna dia phat ijat ipeh u vem? Taona hinkho leh Bible simna a iphat u ijat ipeh jiu vem? Eima leh eima kisemphat na dia phat ijat ipeh uvem? I hinkho uva hin lhahsam na akinei cheh in ahi. Question ikoi nom u chu ahileh hichi ilhahsam na ho leh Pathen deilou a i chon naho khel na dia phat ichan ipeh uvem? Hinkho thah a hin thei na dinga chuleh Pathen deibang hinkho mang mipa minu hithei na dia phat ijat ipeh khah uvem? 

Galatians 6:10, “While we have opportunity, let us do good to all men, and especially to those who are of the household of the faith.” Thilpha bol na ding lampi hi tamtah aumin ahi.

Matthew 5:16, "Let your light shine before men in such a way that they may see your good works, and glorify your Father who is in heaven.”(Hichi bang chun navah uchu miho angah kilang hen, chuteng amahon na chonphat nau chu muthei yun tin chuleh van a um nap au chu avahchoi dingu ahi).

3. Money (Haggai 2:8):

Achaina a neiching phatah ihithei na diu chu sum chunga mopohna ahi. Phat tamjo in eihon sum inei pau hi aneipa dan in ikigel ji un, atheng tah a chu aneipa chu Pathen ahin eiho hi a chingtup bou a ipan ua hi. (Ezekiel 16:17; Haggai 2:8). Sum leh pai inei hou hi nitin a ikiman chah na ho suhbulhit dia pathen in eipih u ahi.

Pathen in ei nganse nau Neiching phatah hithei na dinga Question 2 ikidoh diu deisah umin ahi.

Firstly, Pathen sum ipeh chu ahina ding bangtah a iman chah u hinam?

Sum ineipau hi Pathen sum ahi ti ihet uva, eima sum ahipoi iti teng leh sum chu kimoh man thei pon ahi. Achina ding dol louva akiman chah nom pon ahi. Sum iman chah pau hi alamdol a chi hinam ahilou leh alamdol louva iman u vam? Neiching phatah hina dinga chun Pathen in ipeh u sum chu ahina ding dol a iman chah u angai in ahi. Nikho hung lhung ding ahi, Pathen in mihem te thu ahin tan nikho teng leh ama masanga accountable ihi diu hinam?

Secondly, Pathen lenggam a dia sum leh pai ito jing u hinam?  

Pathen mite chu ama leng gam kehlet be na dia chu sum a kiphaltah a kipeh na hi neijing angai in ahi. Maicham, offering, hopsom chuleh eima voluntary a kiphal na ho chu jokham kham a peh jing ding ahi.

Bible a thilpeh chung chang a kimang jing khat chu 1 Corinthians 16:1-2 ahi.

Pasal chapng khat hi ana umin ahi. Amapa hi houin kai dinga ahung doh in, Rs.10 coins anei in ahi. Rs.5 chu ice cream kichoh na ding atin, Rs.5 chu offering ding ahi. Huipi hat tah ahung nung in ahileh Rs.5 chu lampi a canal sungah akitah lhahsah tan ahileh, Pathen na sum peh ding kati chu akileh lhatai, themmo nei hin chan hih in an ti doh in ahi.  

Eiho jong hichi chapang pa banga chun ium nakal u atam jin ahi. Sum ihin mu teng u leh, choh ding man na ding adim jin ahi. Chuteng leh, som a khat peh ding ahung umji lout eng le, akit teng leh alom in kipeh that ante ti lunggel ahung umjin ahi. Hichi chu ahung um teng leh akit tengleh abep bep ahikit jitan ahi. Chuteng leh kitahtah a som a khat chu peh ding bang in ahin kipe jou jip on ahi. 

Pathen in hichu ipi ati am atileh “GUCHA” (Robery) tia akou ahi.  

Malachi 3:8-12, “Mihem in Pathen achom ngai hinam? Nanghon keima neichom u pi hi. Ahinlah nanghon iti nangma kachom diu ham? Natiuve. Na hopsom tolou jeh uleh thilto ding natolou jeh uva neichom u ahiye. Hitia keima neichom jeh uva najat pumpiu va naki gaosap soh hel u ahitan, na chung uva gaosapna chua ahitai. Hopsom lhingset in hintoh uvin lang thilkholna insungah lhutsoh keiyun, chutengleh keima houin sunga nehleh chah thalhing ding ahi. Chutengleh keijeng jong nei patep uvin, tin thaneipen Pakaiyin aseijin, nangho dia vangam bangkot jouse kahon doh a nangho dinga phatthei na chu twi sunna kasun lhah ding, aletlha hel a sunglha louva ka umlou hel ding ahi. ”

Hichilai text a hin Pathen in kamite Israel ten eichom uve anatin ahi, ajeh chu hopsom leh maicham ana pepou vin ahi. Ahileh ipi jeh pen tah a chu Israel te chun Pathen a pehding a lom chu ana pehlou u ham? Ajehchu amaho gel dan a chu amaho income toh avet uleh afford abol jou lou diu chu akihet jeh uva chu ahipen in ahi.

Pathen in adonbut na chu ahileh Nanei namu hou chu kakemsuh sah ahitai ajeh chu amaho chu sapsetna achung uva chu ahitai. Pathe a dia pehdi lom ho kitah tah a apeh lou jeh uva, amuthei nauleh a haosat nau chu Pathen in asuh tang ahi.

Ahinlah pathen in thutepna (promise) anabol in ahi. Hichu ipi ham itileh, Tahsan na neipum a Pathen a peh dinga lom hopsom, maicham ho ahin peh uleh valset a phatthei kaboh ding ahi atin ahi.   

Hichi passage hi Old Testament lai a ahi in eiho context toh akitoh poi tia gel jong ium Meithei u ahi. Hichu igel uleh hung dihlou ding ahi. Mitheng Paul in hitabang thupeh hi 2 Corinthians 9:6-8 sung ah ana tahlang kit in ahi.

2 Corinthians 9:6-8, “Ahivangin hichi thudol a hin alhom tua chun alhom at ding, chuleh atam tua chun atam at ding ahi. Lungphat mo pump um leh peh louva phamo tia pelou vin, nalung got bangtah cheh in peuvin, ijeh inem itileh lunglhai sel a pea chu Pathen in angailui. Chuleh imalam jousea imatih chana ijakai a bulhing soh nahiuva natohpha tintang natoh theina ding uva , Pathen in lungset na letset nangho napeh theiyu ahi.”

Steward phatah ihi nau vah hin Pathen hi imajouse a ichung nun sah diu ahi. Pathen akitep na chu ahileh sumleh pai hihen lang, thil leh lo hijong leh kitah tah a ama pehdinga lom ipeh leh ajat ja a phatthei na eiboh diu ahi.  

Conclusion:

Good steward hithei na ding chun lampi chom chom um nante, hijongleh tunia isei nom pen u chu hichi area 3 ho hi ahi. Firstly, Pathen in Spiritual gift eipih u hi phatah a man them ding. Secondly, Pathen in phat (time) eipih uhi kitup sel cha a iman chah diu. Thirdly, Sum, neileh gou ho jouse hi Pathe a ahin, achi na ding dol a manchah ding chuleh Pathe a peding a lom ho phatah a ipeh diu pa hi ahi.

Chuti henlang hileh Pathen jong ichung uvah kipah in tin chuleh asemsa ho chunga mopohna eipih u hikitup tah a isuh bulhit thei diu ahi. Pathen in asemsa ho chunga avetup ding leh avesui a eipan sah u hieiho dinga priviledge lentah khat ahi. Hichi hi phatah a serious tah aigel diu imopoh nau hi kitah tah a itoh diu ahi. Chuti hen lang hileh Pathen in jong soh kitah nabol pha tangei e eiti thei diu ahi.